Babu Peruvannan
- 1972 നവംബർ11 ന് പയ്യന്നൂരിൽ കുണ്ടോറ രാമ പെരുവണാന്റെയും (പനയന്താർ) സരോജിനിയുടെ മകനായി ജനിച്ചു . 7 വയസ്സിൽ ആടിവേടൻ തെയ്യം കെട്ടി തുടക്കം കുറിച്ചു . പിന്നീട് പയ്യന്നൂർ വണ്ണാടിൽ മീത്തലെ വീട്ടിൽ വിഷ്ണു മൂർത്തി കെട്ടി മികവ് തെളിയിച്ചു . തന്റെ 12ാം വയസ്സിൽ മുത്തപ്പൻ കെട്ടിയാടി. 25 വയസ്സിൽ- കുന്നരു കൊയക്കീൽ തറ വാട്ടിൽ നിന്നും കണ്ടനാർ കേളൻ കെട്ടി പട്ടും വളയും വാങ്ങി പെരുവണാൻ ആചാരം സ്വീകരിച്ചു. 2002 ൽ പയ്യന്നൂർ പൂന്തുരത്തി മുച്ചിലോട്ടിൽ മുച്ചിലോട്ട് ഭഗവതിയുടെ തിരുമുടി അണിയുവാനുള്ള ഭാഗ്യം ലഭിച്ചു . കണ്ണങ്ങാട്ട് ഭഗവതി, വടക്കത്തി ഭഗവതി,കതിവനൂർ വീരൻ , ബാലി, പുതിയ ഭഗവതി,വൈരജാതൻ,പൂമാരുതൻ,മുത്തപ്പൻ , തിരുവപ്പൻ ,പുലിക്കണ്ഠൻ,പുലിയൂര് കാളി,പഴിച്ചി ഭഗവതി,കക്കറ ഭഗവതി , പടുവളത്ത് ഭഗവതി … അങ്ങനെ എണ്ണിയിൽ തീരാത്ത അത്രയും തെയ്യങ്ങൾ കെട്ടിയാടിയിട്ടുണ്ട്. (വണ്ണാൻ സമുദായത്തിലെ എല്ലാ തെയ്യവും) കൂടാതെ മലയ സമുദായത്തിൽ ഉള്ളവർ കെട്ടുന്ന മടയിൽ ചാമുണ്ഡി, വിഷ്ണു മൂർത്തി ,ഭൈരവൻ, ഒറ്റക്കോലം, ഗുളികൻ എന്നീ തെയ്യകോലവും ഇദ്ദേഹം കെട്ടിയാടിയിട്ടുണ്ട് കാരണം പയ്യന്നൂർ നാട്ടിൽ നാരങ്ങ തോട് വരെ മലയർക്ക് പ്രവേശനം ഇല്ല . മാവ്വിച്ചേരി മാത്രം കണ്ടുവരുന്ന തുളുവീരൻ ദൈവവും ഇദ്ദേഹം കെട്ടിയിട്ടുണ്ട് . ഇദ്ദേഹം ഏതു കോലധരിച്ചാലും മുഖത്ത് ആ തേജസ്സ് ഉണ്ടാകും
